ஸ்தல வரலாறு

தர்மத்தை மீறிய செயல் இது என்று தெரிந்திருந்தும் சனிபகவான் இராவணனின் கட்டளையை ஏற்று அனுமனை நாடிச்சென்றார். அனுமன் சஞ்சீவி மலையில் மூலிகையைத் தேடிக்கொண்டிருந்தார், நெடுநேரம் ஆகியும் மூலிகையை கண்டறிய இயலாததால் அனுமன் சஞ்சீவி மலையையே பெயர்தெடுத்தார், சஞ்சீவி மலையையே பெயர்த்து தன் ஒற்றை விரலில் நிறுத்தி இலட்சுமணனைக் காப்பாற்ற விரைந்து சென்ற அனுமனை வழியில் தடுத்தார் சனிபகவான்.
வீண் விவாதம் செய்யவோ உன்னிடம் போர் புரியவோ நான் இங்கு வரவில்லை. எனக்கு அதிக வேலையி ரு க்கிறது என்று அனுமன் சனிபகவானை எச்சரிக்கை செய்தார், ஆனால் அனுமன் என்ன கூறியும் கேளாமல் சனிபகவான் அனுமனை தடுக்கவே சனியை தன் காலால் அழுத்தினார் அனுமன், தாங்கமுடியாத வலியால் சனிபகவான் தம்மை விட்டுவிடும்படி அனுமனிடம் வேண்டினார்.

அனுமன் இராமபக்தனாயிற்றே அதனால் இராமா.. இராமா” என்று
சனிபகவான்
அழைத்தார், அனுமனின் பிடி சிறிது சிறிதாக தளர்ந்தது, இராம நாமத்தால் தப்பி பிழைத்தாய், உன்னால் பிடிக்கப்பட்டவர்கள் துன்புறும்போது இராம ஜெபம் செய்பவர்களைத் துன்புறுத்தக் கூடாது. என்று எச்சரித்து அதற்கு சனிபகவான் சம்மதம் தெரிவித்த பிறகே அவரை விடுவித்தார்.
ஆஞ்சநேயர் சனிபகவானை தன் காலால் அழுத்தும் திருக்கோலத்தை கொண்டிருக்கிறார். திருப்பத்தூர் மாவட்டம், ஆம்பூர் நகரில் அமைந்திருக்கும் அருள்மிகு பெரிய ஆஞ்சநேயர் திருக்கோயிலுக்கு சனிதிசை நடப்பவர்களும், சனிதோஷம் உள்ளவர்களும் ஏழரை சனியால் பிடிக்கப்பட்டவர்களும் இத்திருத்தலத்திற்கு வந்து வழிபட்டால் துன்பங்களில் இருந்து மீளலாம்.
ஸ்ரீ ராம ஜெய ராம, ஜெய ஜெய ராமா.